Depite Elience Petit-Frère (achiv) | © Jéthro-Claudel Pierre Jeanty / Nord-Est Info |
Yon delegasyon ki soti nan chanm depite a
vizite komin Fòlibète madi 2 avril 2019 la nan lide pou yo jwenn bonjan
enfòmasyon sou zafè lanmò-rezireksyon depite sikonskripsyon Ferye-Pèch la, Elience
Petit-Frère. Manm delegasyon an konfime Elience Petit-Frère mouri e li nan mòg.
Sa fè yon mwa depi nouvèl lanmò Elience
Petit-Frère te gaye. Aprè gen rimè ki ta fè kwè li resisite.
Delegasyion
an gen la dann 5 depite. Yo se: prezidan komisyon jistis, dwa moun ak sekirite
piblik chanm ki pi ba nan palman ayisyen an, depite Clauvy Robas; prezidan blòk
EPAN an ki se blòk depite Elience Petit-Frère te fè pati de li, depite Jacques
Julmice; depite Fòlibète a, Jacquelin Rubes; depite Wanament lan, Elisma
Florvil ak sekretè jeneral chanm depite a, Guy Gérard Georges.
Aprè
delegasyon an fin rankontre ak grand frè depite defen an mesye Duchène
Petit-Frère lakay li, delegasyon an ki te akonpaye de Duchène Petit-Frère,
sibtiti komisè pakè Fòlibète a, mèt Saintilma Joseph; jij depè sipleyan
tribinal depè komin Fòlibète a, majistra Jacques Philippe Vincent ak majistra
François Colas ki te akonpaye ak grefye tribinal la; responsab SDPJ nan komin Fòlibète
ak majistra nan kèk komin depatman Nòdès la te ale nan mòg prive kote kò depite
defen an Elience Petit-Frère ye a kise Flora antrepriz finerè.
Jij depè yo
drese konsta kadav depite a, aprè konsta légal yo delegasyon an te rann yo nan
Biwo delegasyon Nòdès la, pou te bay yon konferans pou laprès kote prezidan
komisyon jistis, dwa moun ak sekIrite publik chanm depite a, Clauvy Robas
konfime “Depite Elience Petit-Frère mouri e li nan mòg Flora antrepriz finerè”.
Li di yo pat janm deplase kadav la
kontrèman a tout sa ki t’ap di.
Bò kote pa li, depite Kay-Il-Avach la
presize ke depite Elience Petit-Frère mouri nan dat 2 mas pase a nan Dajabón an
Repiblik Dominikèn nan yon ti Klinik prive ki rele Groupo Medico. Daprè depite
Robas, kòlèg li Elience Petit-Frère te dyabetik.
Nap souliye
poko gen okenn dat ki fikse pou fineray depite defen an.
Aucun commentaire:
Publier un commentaire